"गजल"

हेर मुटु तिम्रा लागि, धड्केकै होइन भन्यौ /
नजर त तिम्रा तिर, अड्केकै होइन भन्यौ //

आयौ आँखा जुधाएर, त्यतिबेला दोबाटोमा /
कता जानु पर्ने यता, छड़केकै होइन भन्यौ //
नजर त तिम्रा तिर, अड्केकै होइन भन्यौ //

बाटो सँधै बनाउथ्यौ, मेरो माया गर्दा खेरी /
नयाँ बाटो खोज्यौ अरे, भड़केकै होइन भन्यौ //
नजर त तिम्रा तिर, अड्केकै होइन भन्यौ //

एक पाइला कमै थियो, वार पार गर्न तिमि /
नचिनेझै गर्छौ तर, फडकेकै होइन भन्यौ //
नजर त तिम्रा तिर, अड्केकै होइन भन्यौ //

ठिकै छ तिम्रो खुशी, हेरी हाँस्छु म पनि त /
सांध्यौ माया अन्तै अनि, चडकेकै होइन भन्यौ //
नजर त तिम्रा तिर, अड्केकै होइन भन्यौ //

सीता सुबेदी "प्रकृति"
२०६७/०६/०३ मा